Италијанскиот фудбалски тренер Андреа Страмачони денеска доби отказ од Спарта Прага, објави чешкиот клуб.
Поранешниот тренер на Интер, Удинезе и Панатинаикос е разрешен поради слаби резултати во текот на целата сезона.
Спарта е дури на петтата позиција во чешкото првенство, а на меѓународната сцена е елиминирана во 3.коло од квалификациите за Лига Европа.
Италијанскиот фудбалски стручњак доби на располагање над 15 милиони евра за засилувања, но не ги исполни очекувањата на раководството и навивачите.