Судскиот процес против осомничените за вмешаност во убиството на лидерот на Граѓанската иницијатива СДП, Оливер Ивановиќ, ќе почне на 30 декември, изјави синоќа Махмут Халими, еден од адвокатите на осомничените.
Халими за Косово онлајн изјави дека подготвителното рочиште е закажано за 30 декември во 9:30 часот. Тој додаде дека бил во можност да го добие и да го прими обвинението и на српски и на албански јазик во врска со случајот за убиството на Ивановиќ.
Косовското Специјално обвинителство поднесе обвинение на 2 декември против шест лица – Недељко Спасојевиќ, Марко Рошиќ, Драгиша Марковиќ, Жарко Јовановиќ, Радета Басара и Силвана Арсовиќ, кои се товарат за вмешаност во убиството на Ивановиќ.
Ивановиќ беше убиен на 16 јануари 2018 година пред неговиот партиски штаб во северниот дел од Косовска Митровица.
Поврзани вести
Српскиот министер за полиција тврди дека знаат кој го убил Оливер Ивановиќ, убиецот бил под германска заштита
ВИДЕО: Обид за атентат врз Зеленски при вчерашната посета на поплавениот Херсон
