„Му требаат пари за тоа телевизијата и само прави некои комбинации… Ние на неколку пати така му помогнавме во телевизијата, главно за маркетинг, тоа беше уште порано лани октомври-ноември 2018-та година“.

Овие зборови на екс-премиерот Зоран Заев одекнаа од говорницата на Собранието откако како аудио бомба ги пушти пратеникот на ВМРО-ДПМНЕ, Антонио Милошоски.

На снимката може да се чуе како Зоран Заев јавно признава дека ја помагал телевизијата на Бојан Јовановски (Боки 13) кој е обвинет за случајот „Рекет“ заедно со Катица Јанева.

Во аудио записот, Заев вели дека помошта била во пари, поточно околу маркетингот на телвизијата, но и дека Бојан Јовановски земал пари од бизнисменот Силјан Мицевски.

Ова е јасен доказ зошто на Заев толку многу му се брза да го донесе законот за ЈО. Од петни жили се труди да се изгласа што побргу, особено држејќи се за членот 110.

Овој член е смислен со една цел – Заев да си се амнестира самиот себеси за сите свои криминали.

Оваа аудио снимка, која јавноста денеска ја слушна, е нешто за кое без одложување треба да биде засновано обвинение. Заев бега токму од ова.

Тој е свесен дека ако снимките важат, ќе треба да одговара за повеќе дела, па не избира средства да биде изгласан законот кој ќе биде во пракса негова амнестија.