Манчестер јунајтед реши да не го „брка“ играчот од средниот ред на Борусија Дортмунд, Џејдон Санчо во претстојниот преоден рок. Ова го пренесуваат британските медиуми.
„Мирор“ објави информација според која МЈ ги одложи плановите за стекнување фудбалер до летото 2021 година.
И Борусија нема неопходна финансиска потреба да го продава фудбалерот по намалена цена.
Англискиот клуб нема да може да си дозволи големи трошоци заради негативното влијание на ситуацијата со коронавирусот. Во Дортмунд очекуваат да добијат повеќе од сто милиони фунти за Санчо.
Дваесетгодишниот Англичанец оваа сезона одигра 35 натпревари за Борусија на сите турнири и постигна 19 голови со исто толку асистенции.
