Ширум Чешка се собраа илјадници лица на протести со барање за оставка на техничкиот премиер на земјата Андреј Бабиш.
Демонстранти вчера се собраа во 20 чешки градови и во престолнината Прага, барајќи оставка од премиерот, кој победи на изборите во октомври, но неговата малцинска Влада не успеа да го мине задолжителното гласање за доверба во парламентот, одржано во јануари, по што поднесе оставка.
Чешкиот претседател Милош Земан побара од засега техничкиот премиер бабиш да се обиде повторно да формира влада, но преговорите за коалициска влада со социјалдемократите пропаднаа.
МИА
