Објавата за тоа дека Бојан Јовановски познат како Боки 13, ќе се кандидира за претседател на СДСМ на претстојниот Конгрес кој треба да се одржи на 21 март, денеска ја искоментира премиерот и претседател на СДСМ Зоран Заев.
– Прво треба да се направи ревиденција за да биде член, потоа да има најмалку 5 години членство во СДСМ и може да се собере членство на ВМРО-ДПМНЕ кое ќе застане зад Јовановски и автоматски да направат пресврт во власта што ја најавуваат. Секако ова е една сатира, денеска е петок да не заборавиме дека е крај на работната недела, доаѓа викенд. Бојан Јовановски е таков каков што е го знаеме сите во државата. Жалам што наседнале луѓе на неговиот карактер – изјави Заев.
