Наместо да се спроведат реформи со кои земјата ќе се приближи кон ЕУ, Валадата предводена од премиерот Зоран Заев и покрај крупните ветувања во предизборието, постојано докажува дека ја уназадува земјата.
И покрај големите зборови и ветувања на премиерот, државата не доби датум за почеток на преговорите за влез во Европската унија, а од ден на ден се докажува и зошто е тоа така.
Македонија под владеењето на СДСМ ги живее најлошите години од осамостојувањето, а тоа го докажуваат и рангирањата на кои државата не постои дно кое го нема пробиено.
Македонија според извештајот на „Транспаренси Интернешнл“ се најде на историски најлошото 111 место според индексот на корупција, а угледниот „Економист“ во ранг листата која ја објави за индексот на Демократија Македонија ја смести на поразителното 78-мо место класифицирајќи ја како хибриден режим.
Владата потврли во секој аспект и во справувањето со пандемијата, па се најде на трите најлоши места во светот според „Фајненшл Тајмс“ што се однесува на смртноста од КОВИД-19 во рок од седум дена на 100 илјади жители, а со пандемијата Македонија се најде во најлошите места во светот и според број на обезбедени вакцини.
Како капак на сите овие и многу други неуспеси на Владата, стигна и досега најкрупната афера „Мафија“ која беше обелоденета од страна на опозициската ВМРО-ДПМНЕ и во која се вели дека преставници на власта се вмешани во давање на македонски пасоши на најозлогласените и најопасни нарко-босови во светот.
Преку оваа афера, дамката која ја фрла врз државата како членка на НАТО и ризикот кој таа го преставува за губење на безвизниот режим, најдобро може да се види дека државата е вратена десетина години назад во времето кога се одлучуваше за воспоставување на безвизниот режим во 2009 година.