Како за прв натпревар на Европско првенство, за нас тоа е едно големо искуство, истакна македонскиот капитен Горан Пандев во изјава по натпреварот во кој Македонија загуби со 3:1.
-Знаевме дека Австрија ќе притисне, физички се помоќни од нас, имаат добра клупа. Знаевме, ако ги издржавме првите 15-20 минути, имавме некои контри кои што требаше подобро да ги искористиме, но таков е фудбалот. Потоа примивме втор несреќен гол и мислам дека овде натпреварот беше решен.
Пандев оценува дека шансите не се загубени.
-Треба добро да се одмориме, да се припремиме против Украина. Треба овој натпревар да го одиграме отворено, да одиме на победа бидејќи нема што да загубиме, истакна Пандев.
