Лука Модриќ често знае да го практикува надворешниот „фелш“ за маестрални додавања до своите соиграчи, но изминатава вечер во Глазгов, изрежира фудаблско ремек-дело и на маестрален начин постигна клучен погодок против Шкотска.
Капитенот на Хрватска постигна ефектен погодок со ударот кој е еден од најтешките во фудбалот и кој можат да го изведат само големи мајстори, па без никаков сомнеж, оваа негова мајсторија ќе конкурира за најдобар гол на Европското првенство.
Голот за 2:1 има и историско значење бидејќи Лука стана највозрасниот хрватски стрелец на еден континентален собир, а истиот беше и најава за победата од 3:1 која подоцна ја потврди Перишиќ.
Токму фудбалерот на Интер ја имаше најдобрата и најоригинална реакција по ремек-делото на Модриќ, бидејќи додека сите славеа и му честита, тој му ја чистеше копачката на десната нога со која ја изведе бравурата.
Technique. Precision. Composure.
🤤 @lukamodric10👀 Goal of the Round 𝗖𝗢𝗡𝗧𝗘𝗡𝗗𝗘𝗥? @GazpromFootball | #EUROGOTR | #EURO2020 pic.twitter.com/qOjO4OaOrY
— UEFA EURO 2020 (@EURO2020) June 22, 2021
