Денес репрезентацијата на Шпанија игра натпревар против Словачка во последното коло од групната фаза на Европското првенство.

Црвената фурија не се радуваше на натпреварите против Шведска и Полска, каде освоија само два бода, а денес им треба победа доколку сакаат да бидат во осминафиналето.

Секако големо олеснување за Луис Енрике е тоа што Серхио Бускетс, кој ги пропушти претходните натпревари поради коронавирус, се врати во тимот.

Капитенот на Шпанија успеа да се опорави и откако беше негативен на тестирањето, се приклучи на репрезентацијата и се очекува да игра од првата минута вечерва.

Бускетс се појави на прес-конференција пред овој натпревар, а едно од прашањата беше да ја коментира изјавата на поранешниот фудбалер Рафаел ван дер Варт, кој изјави дека Шпанците имаат ужасен тим.

“Шпанија е ужасна. Се надевам дека ќе играме против нив во нокаут-фазата. Тој тим нема ништо. Сè што прават е да ја испратат топката од едната на другата страна. Тие дури немаат играч кој може да го даде последниот пас “, Рече Ван дер Варт.

Шпанските новинари побараа од Бускетс да ја коментира изјавата на поранешниот играч на Реал Мадрид, а тој ги воодушеви сите со неговиот одговор.

“За мене тоа е за жално бидејќи тој само сака да биде во центарот на вниманието. Јас многу лесно можев да го засрамам сега со сите оние игри што ги играше против нас и кои луѓето сè уште ги паметат и денес. Но, јас нема да го сторам тоа затоа што имам повеќе почит “, рече Бускетс.

Сигурно е дека Бускетс најмногу мислеше за финалето на СП 2010 година, кога Шпанија во финалето ја победи Холандија со 1-0.