Италијанската фудбалска репрезентација го освои Европското првенство со игра поради која заработи многу комплименти од фановите, а за стабилноста на одбраната се грижеа Леонардо Бонучи и Џорџо Кјелини.
Искусните дефанзивци заедно имаат 70 години, но тоа не ги спречи да бидат вистински столб во одбраната на Роберто Манчини, а својата сигурност ја потврдија и на вчерашното финале против Англија.
Интернет платформата за фудбалска статистика „Squawka“ извлече интересен податок за настапот на тандемот на Јувентус на Европското првенство, а во него се вели дека тие не дозволиле ниту еден дриблинг или грешка, по која противникот упатил удар кон голот на Донарума.
Leonardo Bonucci and Giorgio Chiellini both completed the entire #EURO2020 tournament without being successfully dribbled past by an opposition player or making an error leading to a shot.
WARRIORS. pic.twitter.com/mexIFLrVOO
— Squawka Football (@Squawka) July 11, 2021
Дури и во моментите кога ќе направеа ретка грешка, наоѓаа решение, нешто што се гледа од примерот со Кјелини кој вчера не дозволи Сака да мине покрај него откако направи лоша проценка покрај аут-линијата.
Saka: It's coming to home 🏃
Chiellini: #ItsComingRome 🤬😭pic.twitter.com/oVQe2POPq1— 𝗙𝗔𝗦𝗧 𝗚𝗢𝗢𝗔𝗟𝗦 (@IFAST24) July 11, 2021
