Мемфис Депај дебитираше со гол во дресот на Барселона на пријателскиот натпревар против Џенова на кој Каталонците триумфираа со 3-1.
Барса одлично го почна мечот стигнувајќи до предност во 21. минута со голот на Жерард Пике од пенал. Само три минути подоцна беше 2-0 со голот на албанскиот напаѓач Реј Менај.
Мемфис Депај во игра влезе пред крајот на првото полувреме на местото на Менај кој се повреди.
И уште низ првите минути во каталонскиот дрес Депај покажа дека ќе биде големо засилување за Барселона во новата сезона, воодушевувајќи ги навивачите со своите потези.
Memphis Depay is on for his Barcelona debut ⚡pic.twitter.com/GDXwaTsts0
— Goal (@goal) July 24, 2021
Во 86. минута беше и стрелец на третиот гол за Барселона од пенал.
