Тони Крос изненади многумина со својот интересен одговор и со тоа ги израдува навивачите на Реал Мадрид во преодниот рок.
Килијан Мбапе не сака да остане во ПСЖ поради Лионел Меси и сака да замине во Реал Мадрид. Па, потоа ќе се демантира и сетоа тоа оди во круг.
Отприлика вака може накратко да се опише сагата за суперталентираниот Французин во претходниот период.
Која е правата вистина и каде ќе ја продолжи кариерата, веројатно знае само тој. А сега се појавија нови информации кои ги пренесува германскиот интернационалец Тони Крос, играчот на „кралскиот“ клуб.
Гостувајќи во една емисија тој зборуваше за преселбата на Лионел Меси во Париз, па даде еден интересен одговор околу засилувањата.
🚨🗣️ Toni Kroos: "I believe that it [Messi to PSG] will be good for us because our biggest rival has lost it's best player and maybe it'll be even better for us because someone from Paris could join us." [Einfach mal luppen Podcast]
— Infinite Madrid (@InfiniteMadrid) August 18, 2021
– Можеби има нешто добро за нас во заминувањета за нас, бидејќи Барселона го загуби најдобриот играч. Кој знае, можеби ќе се случат повеќе добри работи, како доаѓањето на некој од Париз. Доколку се случи тоа, тогаш овој трансфер на Меси нема да биде недостаток за нас, не би имал ништо протис – рече Крос.
Германецот не прецизираше дека мисли на Мбапе, иако многумина тоа го протолкуваа како можна најава за трансфер на Французинот во мадридскиот гигант. Крајот на преодниот рок дефинитивно ќе биде возбудлив.
