Џанлуиџи Донарума вели дека потпишал за ПСЖ за да биде прв голман на тимот, а не да седи на клупата.

Во првите натпревари од новата сезона, Кејлор Навас е првиот избор на Покетино, на мечот со Брест Донарума беше на клупата за резерви.

ПСЖ има два супер голмани и кој и да биде резерва нема да се помири со таквата улога, тоа е и ризикот кога имате многу ѕвезди во тимот.

„Сакам да бидам еден од најдобрите голман во светот. Дојдов во ПСЖ за да бранам. ПСЖ ме бараше мене и ме сакаше, и јас го сакав ПСЖ“, вели Донарума.

„Конкуренцијата не ме плаши. Кејлор е голем голман, но јас сум тука за да бранам. Конкуренцијата е добра и може да влијае позитивно“.

„Дојдов тука за да бранам, па ќе го дадам најдоброто од мене за да станам стартер, подготвен сум“.

„Нема да има проблеми, Кејлор е одлична личност, ние сме пријатели, па нема проблеми, конкуренцијата е нормална во големи клубови“.