Вечерва во рамките од 4. коло во Лигата на шампионите екипата на ПСЖ ќе игра против Лајпциг.

Францускиот тим во Германија допатува без Меси кој не беше во конкуренција за настап. Аргентинецот е надвор од тимот поради повредата на коленото и не е познато кога ќе се врати на терените. Ниту тренерот Покетино не може да каже кога Меси ќе се врати.

„Се надевам дека Меси ќе се врати што побрзо и ќе биде со нас. Не можам да кажам ништо повеќе затоа што ниту јас не знам“, изјави Покетино.

Против Лајпциг очекува неговиот тим да ја оправда фаворитската улога.

„Мораме да победиме, имаме одговорност. Верувам дека со добар пристап можеме да го оствариме резултатот кој го посакуваме“, истакна стратегот на „светците“.

Меси на рехабилитација отпатува во Мадрид каде што во 2015 година исто така се опоравуваше од повреда, тогаш од повреда на левиот лигамент на коленото.