Бразил ќе бара ново решение за селекторската позиција по Светското првенство кое оваа година ќе се одржи во Катар.
Тите најави дека ќе ја напушти функцијата по период од шест години. Рекордерот на Мундијалите ќе атакува на нов трофеј, шести во својата историја.
60-годишникот го замени Дунга во 2016 година, кој не ги задоволи очекувањата на федерацијата. Дебито го имаше против Еквадор, во натпревар од квалификациите за Светското првенство во Русија. Тите потпиша нов договор во 2018 година со кој се обврза да остане до крајот на Светското првенство во 2022 година.
