Италијанската Влада прогласи вонредна состојба до крајот на годината за да се справи со очекуваниот прилив на бегалци од Украина, одлучи денеска Советот на министри во Рим.
Со таквиот потег Владата може да преземе итни мерки во одредени случаи без претходни консултации во Парламентот.
По руската инвазија врз Украина, Италија, каде живее голема украинска заедница која се проценува на околу 250.000 луѓе, се подготвува да прими многу бегалци.
Владата, исто така, стави на располагање 10 милиони евра (11,2 милиони американски долари) за организирање на пристигнувањето на бегалците.
