Велика Британија денеска објави дека украинската воздушна одбрана има успех против руските авиони, што веројатно ја спречува Русија да го контролира воздушниот простор.
„Изгледа дека украинската противвоздушна одбрана има значителен успех против современите борбени авиони на Русија, веројатно спречувајќи ги да постигнат каков било степен на контрола во воздухот“, се вели во ажурирањето на податоци на разузнавањето на Министерството за одбрана објавено на Твитер.
Во оценката на Велика Британија, исто така, се вели дека руските сили не успеале да постигнат значителен напредок во борбите северозападно од Киев.
