Тренерот на Ајакс, Ерик тен Хаг, не ја исклучи можноста во иднина да седне на клупата на Манчестер јунајтед, но нагласи дека во моментов е фокусиран на ангажманот во Ајакс и претстојното дерби во холандското првенство против ПСВ Ајндховен.
– Моментно сум фокусиран на Ајакс, но во фудбалот ништо не се знае. Не сакам ништо да исклучувам. Во моментов сум вработен во Ајакс. Пред нас е крајот на сезоната и за тоа ми е потребна целата енергија. Сè друго би ме попречувало во работата, изјави Тен Хаг за германскиот „Спорт 1“.
Тен Хаг и Манчестер јунајтед веќе одржаа официјални преговори, кои се опишани како „многу позитивни“, но до евентуален договор за соработка двете страни се сè уште далеку.
– Манчестер јунајтед е прекрасен клуб со прекрасни навивачи, но можам само да се повторам – целосно сум фокусиран на Ајакс. Веќе ја планираме и следната сезона, посочи Тен Хаг.
Британските медиуми пренесуваат дека холандскиот стратег не е единствениот кандидат за нов тренер на Манчестер јунајтед,
Тренерот на ПСЖ, Маурисо Покетино, шпанскиот селектор Луис Енрике и стратегот на Севиља, Хулен Лопетеги, исто така, се меѓу кандидатите. (МИА)
