Ковачевски ни рече дека има пари за перење на коли, а нема пари за наставниците, реагираат од ВМРО-ДПМНЕ.
Има 930 илјади евра народни пари за физибилити студија на Мухамед Зекири, а нема за наставниците
Има 1.370.000 денари за мебел, 590 илјади денари за подароци и 350 илјади денари за цвеќиња во МНР, а нема за повисоки плати за вработените во градинките.
Има 530 илјади денари за ажурирање на веб сајт, 400 илјади денари за набавка на жардињери, и консултантски услуги 470 илјади денари во министерството на Артан Груби, а нема за професорите.
Има 700.000 денари за Секретаријатот за европски прашања на Маричиќ, а нема за повисоки плати за работниците.
Има 15.400.000 за канцелариски мебел во МВР кај Спасовски, а нема за усогласување на платите согласно минималната плата.
Има 2,5 милиони евра за набавка на нови луксузни автомобили, а нема за повисоки плати согласно Колективниот договор.
Има 37.000 евра за позлатен прибор во влада, но нема за вработените во образование.
СДСМ и ДУИ трошат милиони народни пари на луксуз и лоповлук, во период кога ги лажат работниците дека нема пари покачувањето кое им следува.
Реалноста е дека пари во Македонија има, само треба владата да престане да краде и да се луксузира, стои во реакцијата на ВМРО-ДПМНЕ.