Барселона се обидува да направи се за да ја прекине соработката со Мартин Брејтвајт, кој има договор на уште две години со Каталонците.
31-годишниот Данец е спремен спогодбено да го раскине договорот, но одбива можност да добие определена компензација, туку бара да му бидат исплатени сите плати за следните две сезони.
Тоа значи дека на играчот ќе треба да му ги платат сите осум милиони евра доколку сакаат предвреме да се ослободат од него.
Брејтвајт инаку е најбогатиот член на Барселона, со имот во САД од над 250 милиони евра. Основал компанија со член на семејството, а се занимава со недвижности пред се во САД.
