Иран почна да збогатува ураниум во една од трите каскади на усовршени центрифуги ИР-6, што неодамна беа инсталирани во подземната постројка за збогатување гориво во Натанц, се наведува во доверливиот извештај на Меѓународната агенција за атомска енергија (МААЕ) испратен до земјите-членки.
Во доверливиот извештај се истакнува дека Иран користи каскада од 174 машини за збогатување ураниум до пет проценти чистота.
Од преостанатите две ИР-6 каскади во Натанц, едната е во фаза на пасивација, процес што му претходи на збогатувањето, а во другата сè уште нема нуклеарен материјал.
