четврток, 30. ноември 2023. Вести денес: 0

home СпортРакомет

Макаби со пенал во последна секунда го совлада Куманово

watch_later 10. октомври 2022. @ 19:53 timelapse 1 мин.
Макаби со пенал во последна секунда го совлада Куманово

Ракометарките на Куманово загубија несреќно во првиот меч од првото коло во Европската лига со 25-26 од Макаби Аразим Рамат Ган.

Натпреварот беше израмнет од самиот почеток со неколку пресврти, иако на стартот Макаби имаше предност од два гола (1-3), но Куманово стигна до пресврт (8-6) во 18. минута од мечот.

По голема битка до крајот Макаби, сепак, замина на пауза со водство од еден гол (15-14).

Во второто полувреме Макаби набрзо стигна до предност од четири погодоци (20-16), но Куманово не се предаваше и влезе во драматична завршница (25-25), при што имаше напад за победа, кој не го искористи, а гостите од Израел во контра-напад добија пенал во последна секунда  кој го реализираа за победа од 26-25.

Најдобра ракометарка кај Куманово беше Габриела Величковска со 13 голови, додека Дуња Тасиќ даде девет за тимот од Израел.

Поврзани вести

Најнови вести

Останати вести од Ракомет

Топ вести