Барселона втора сезона по ред не успеа да се пласира во осминафиналето во Лигата на шампионите. Ситуацијата во каталонскиот гигант моментално е помалку драматична од минатата сезона, но прашање е што ќе се случува понатаму, бидејќи претседателот Жоан Лапорта и неговите најблиски соработници сериозно сметаа на финансиски бонуси од УЕФА за победи и учество во нокаут фазата од елитното натпреварување.

Лига Европа не е натпреварување кое може да ги задоволи финансиските пресметки направени пред сезоната. Евентуален триумф во него би можел да ги ублажи проблемите и да ја поправи силно разнишаната слика на Барселона, па свесен за ова, Чави веќе зборуваше за вртење кон „планот Б“ и за напад на трофеи во сите натпреварувања во кои неговиот тим ја продолжува сезоната. (Примера, Копа дел Реј, Суперкуп на Шпанија и Лига Европа).

„Сè уште имаме можност да освоиме четири пехари на табелата. Ја пропуштивме шансата во најважното натпреварување, Лигата на шампионите, но сезоната е долга и треба да се соочиме со она што не чека, мора да продолжиме“, изјави Чави. .

Свесен за притисокот под кој беше неговиот поранешен соиграч, Тиери Анри се обиде да го заштити.

„На крајот на денот, резултатите се оние што се важни, што го видовме неодамна во Англија кога Стивен Џерард беше отпуштен. Но, ако некој друг беше тренер на Барселона во моментот, ќе имаше вулканска ерупција. Тоа ќе биде многу полошо од што е сега… Во исто време против Баерн Левандовски имаше голема шанса, но не е крив Чави што не беше искористена. Против Интер Дамфрис играше со рака, но ништо не беше досудено… Во првенството Барселона е втора, во трка е, но кога си тренер на Барселона постојано си под лупата на јавноста и некој те осудува, а Барселона сериозно се обложи на Лигата на шампионите ова сезона и им требаа тие пари“, заклучи Анри, кој не така одамна се испроба во улогата на тренер, предводејќи го Монако, но не си помина добро.