„Ситуацијата во Украина повторно ја зголеми реалната закана од оружје за масовно уништување, вклучително и хемиско оружје“, рече Ариас на состанокот во седиштето на организацијата во Хаг, нагласувајќи ја важноста на единството на меѓународната заедница во соочувањето со заедничките глобални предизвици поврзани со мирот и безбедноста.

Меѓународните организации за разоружување како ОПЦВ, која ја доби Нобеловата награда за мир во 2013 година, „станаа места на конфликти и несогласувања“, рече тој.

Аријас ги потсети Русија и Украина дека се меѓу 193 земји кои „свечено и доброволно се обврзаа дека никогаш, под никакви околности, нема да развиваат, произведуваат, набавуваат, складираат, транспортираат или користат хемиско оружје“.

Тој потсети дека ОПЦВ и обезбеди на Украина, на нејзино барање, обука на луѓе за итна интервенција во случај на хемиски напади. (МИА)