Мајкл О‘ Нил повторно е назначен за селектор на Северна Ирска со која потпиша договор на пет и пол години, соопшти северноирското фудбалско раководство.
О‘ Нил, кој беше селектор на Северна Ирска до 2020 година, се враќа на местото на Иан Бараклоу, кому во септември му беше врачен отказ.
„Одушевен сум што сум селектор на Северна Ирска“, рече О‘ Нил.
„Возбуден сум да видам што може да се постигне со оваа група играчи и одвај чекам повторно да бидам пред Зелено – белата војска на Националниот стадион“, додаде повратниот на селекторската клупа на Северна Ирска.
О’Нил прв пат ја презеде Северна Ирска во 2011 година и ја однесе на ЕУРО2016 што за оваа репрезентација беше прво големо меѓународно натпреварување по пауза од 30 години