Корисниците на Добри Дол денеска од 13:00 часот имаат прекин во водоснабдување поради двоење во шахта, известуваат до Јавното претпријатие „Водовод и канализација“ – Скопје.
– На 03.01.2023 година поради двоење во шахта на улица 1/62 во Добри Дол, прекинато водоснабдување ќе имаат корисниците од Добри Дол, велат од претпријатието.
Оттаму информираат дека водоснабдувањето ќе биде во прекин се до завршување со работните активности.
Поради штопирање на стара водоводна мрежа Ф-80 милиметри на улица „Лајош Кошут“ бб, прекинато водоснабдување ќе имаат корисниците од оваа и улиците „Лајош Кошут“, „Карл Хрон“, „Модест Мусоргски“ и дел од „Темко Попов“ во населбата Триангла, соопштија од ЈП „Водовод и канализација“ – Скопје.
Водоснабдувањето е прекинато од 12:30 часот и ќе трае до завршување со работните активности.
