Во првото соочување на Веселин Вујовиќ против неговото минато, Иран убедливо загуби од Словенија со 21-38 (9-20) во првиот натпревар од главната групна фаза во Краков. Поранешниот асистент на Вујо, Урош Зорман уште еднаш покажа дека сложи одлична хемија во тимот и Словенија е фаворит од сенка за четвртфинале.

Од самиот почеток Словенците започнаа сериозно, играа цврста одбрана пред Лесјак и постигнуваа лесни голови од транзиција. Јанц и Мацковчек се издвоија, но полека иранската мрежа ја полнеа и Доленес и Макуц. На одмор се замина со високи 9-20 за словенечкиот тим. Во второто полувреме се играше по исто сценарио, шанса добија сите словенечки ракометари и ја крунисаа добрата партија со победа од 21-38.

Најефикасни кај селекцијата на Словенија беа Макуц со шест и Јанц и Влах со по пет гола, додека во иранскиот табор се издвоија Садехзадех и Ораеи со по четири погодоци.

Во групата во Шведска, Португалија и Бразил играа без победниј – 28-28 (12-11). Португалците цело време водеа, дури и ја прославија за победа од 28-27, но судиите Бонавентура по прегледувањето на снимката, по истекот на времето покажаа седмерец, кој „кариоките“ го реализираа и освоија значаен бод.

Во репрезентацијата на Португалија најефикасен беше Ареја со седум гола, додека кај Бразил одличен натпревар одигра Дупуа, автор на девет погодоци.

извор: gol.mk