За прв пат во историјата на фудбалски натпревар беше покажан бел картон, а оваа необична ситуација беше видена во Португалија.
Од 1970 година и Светското првенство, навивачите се навикнаа на судијата да носи жолти и црвени картони во џебот за време на натпреварот, па на тој начин ги санкционира поради кршење на правилата.
Но, сега во Португалија експериментално е воведен картон од друга боја – бела.
Бел картон за прв пат беше покажан на натпреварот од португалската женска лига меѓу лисабонски Бенфика и Спортинг.
И додека жолти и црвени картони се покажуваат за неспортско однесување, бел картон се покажува како награда за фер-плеј.
Бенфика водеше со 3:0 во последната минута од првото полувреме, кога една од фудбалерките колабираше на теренот.
Лекарите од двата тима веднаш притрчаа на терен да ѝ помогнат. Откако девојката стана, судијата на натпреварот им покажа бел картон на клупите на двете екипи и на тој начин ги награди за фер-плеј, а сите гледачи на стадионот Луж почнаа да аплаудираат.
Останува да видиме дали практиката на покажување бел картон ќе фати корен на терените низ Европа и светот.
As equipas médicas de Benfica e Sporting receberam cartão branco após assistirem uma pessoa que se sentiu mal na bancada 👏 pic.twitter.com/ihin0FAlJF
— B24 (@B24PT) January 21, 2023
