Директорот на Клиничкиот центар д-р Милика Ашанин рече дека тројца од четворицата повредени кои се наоѓаат во Ургентниот центар се сосема добро, дека се будни и дека лекарите разговараат со нив.

Станува збор за двајца ученици и еден наставник.

-Што се однесува до четвртиот пациент, тој дојде со тешки, сложени, прострелни повреди на градниот кош, вратот и кичмата, имаше две операции. Подобро е, буден е, но мораме да бидеме многу внимателни и да се квалификува дека состојбата е критична. Денеска ќе имаме серија контролни прегледи и снимки за да ги видиме ефектите од операциите, изјави д-р Ашанин.

Доктор Синиша Дучиќ од другата болница изјави дека двете момчиња со прострелни рани на нозете кои се сместени во таа установа се стабилни, додека девојчето кое имаше итна операција со повреда на главата е витално загрозено и е во критична состојба.

-Лекарите прават се за да ја одржат во живот, но општата состојба и е многу тешка и виталните органи и се загрозени. Засега не се планирани нови операции, изјави д-р Дучиќ.