Нерасположени, тивки и со наведнати глави македонските фудбалски репрезентативци се вратија во Скопје по дебаклот кој го доживеаја во Англија.
Авионот на фудбалерите пред малку слета на скопскиот аеродром, а атмосферата во репрезентацијата е во согласност со резултатот од „Олд Трафорд“.
„Театарот на соништата“ се покажа како кошмарен за избраниците на селекторот Благоја Милевски, откако вчера Англија славеше со 7:0 во евроквалификациите.
Вчерашниот пораз е најубедлив пораз во историјата на македонската фудбалска репрезентација.