Португалскиот репрезентативец и член на Атлетико Мадрид, Жоао Феликс, е последно големо фудбалско име кое се поврзува со трансфер во Саудиска Арабија.
Феликс кој минатата сезона ја помина на позајмица во Челси, е мета на Ал-Хилал и постои реалма можност да се пресели во Саудиска Арабија.
Португалскиот спортски весник „О Жого“, пишува дека шансите Феликс да заврши во Ал-Хилал, се повеќе од реални бидејќи тренер на саудискиот тим е Португалецот Жорге Жесус, со кого соработуваше во Бенфика.
Атлетико е подготвен да го продаде Феликс за 50 милиони евра иако за него на Бенфика и плати 127 милиони евра.