Американскиот претседател Доналд Трамп во Сенатот ја упати номинацијата на Ерик Џорџ за амбасадор на САД во БиХ, соопшти денеска Белата куќа.

„Ерик Џорџ Нелсон од Тексас, кариерен член на повеќе служби за надворешни работи, со титула министер советник треба да биде вонреден и ополномоштен амбасадор на САД во Босна и Херцеговина“, се наведува во објавата на Белата куќа.

Сите именувања на амбасадори треба да бидат потврдени од Сенатот, од што зависи и датумот кога новиот американски амбасадор ќе пристигне во БиХ. Се до потврдата на Сенатот, на функцијата амбасадорка во таа земја ќе остане Морин Кормак.

Нелсон во моментов ја извршува функцијата заменик извршен секретар и директор на Извршната канцеларија на Извршниот секретаријат во рамки на Стејт департментот. Служел во голем број дипломатски мисии на САД, а течно зборува шпански, германски и италијански јазик.