Марамите веќе со години се еден од трендовите кои не излегуваат од мода, а можат да се носат на безброј начини. Оваа пролет ќе се носат во сите бои и дезени, и не само околу вратот.

Се почесто марамите се моден додаток во косата, а ова се најдобрите начини на кои може да ги врзете и да биде модерни.

Во гусарски стил

Марамата на овој начин се носела во ’90 години и тоа најчесто во сина, црна, бела или црвена боја.

Баш како нашите баби

Начинот на кој нашите баби ги носеле марамите или шамиите околу глава врзани под брадата повторно е во мода. Свилената марама ќе ве заштити од сонце, а најдобро е што во овој случај не мора многу да размислувате за тоа каква ви е фризурата.

Наместо ластиче за коса

Марамата може да ја искористите како аксесоар за фризура или да ја замотате околу репче или како плетенка. Секако начини има безброј.

Одлична замена за венче

Искористете ја за да ја тргнете косата од лицето, а да го замените венчето. Функционално и модерно. Без оглед дали имате кратка или долга коса, ова е совршен начин да ја дополните фризурата.