Сигурно знаете дека бебе пудрата може да го замени шампонот за суво миење на коса, но исто така ви е познато, а особено на бринетата и црнките дека и пудрата остава бели траги по косата, а за тоа постои решение.

Со брзото темпо на живот и големите обврски, се случува да не успееме да ја измиеме косата. Затоа шампонот за сува коса е еден од најдобрите пронајдоци, но тука е и нејзината природна замена.

Станува збор за какао.

Овој трик за суво миење на косата со какао го откри фризерот Мерцедес Парили, а потребни ви се уште две состојки: пченкарно брашно и есенцијално масло од лимон.

Ако сте бринета или црна
Додадете какао во прав на половина чаша пченкарно брашно, додека не постигнете боја слична на бојата на вашата коса.

Ако сте русокоса
Пченкарно брашно можете да користите само без додатоци, бидејќи на вашата коса нема да се забележат траги како на потемните. Но, препораката е да додадете неколку капки есенцијално масло од лимон во пченкарно брашно за да направите косата да мириса подобро и да добие свежина и бујност.

Ако сте црвенокоси
Измешајте еднакви количини брашно и цимет и ќе добиете не само чиста коса, туку ќе мириса на цимет.

Како се користат мешавини
Ставете ја смесата на коренот на косата и започнете да ја триете во конците со малку поширока четка за пудра. Масирајте ја главата неколку минути, а потоа оставете го шампонот да ја апсорбира маснотијата. Конечно, добро исчешлајте ја косата.