Млад човек од Ливерпул доживеал вистинско божиќно чудо кога го пронашол својот татко, кого го барал 12 години – и се покажало дека живее на десетина минути од него.

Џејсон Кели (23) не го видел својот татко Дејвид од неговата 12-та година откако бракот на неговите родители пропаднал. Тој реши да го побара со помош на медиумите.

Liverpool Echo ја објавил приказната на Џејсон во средата, 23 декември, во кој била единствената фотографија на неговиот татко направена кон крајот на 90-тите. Некој го препознал Дејвид и му кажа на Џејсон каде е.

На Бадник, Џејсон решил да оди во куќата за која слушнал дека е резиденција на Дејвид последните неколку години. Тој рекол дека една жена во 70-тите години му ја отворила вратата и потврдила дека неговиот татко живеел на адресата, но дека тој во моментот не бил таму.

Кога сакал да го остави својот број, го видел неговиот татко како се враќа од утринското трчање. Тој сакал да започне разговор, но шокот бил толку голем што Дејвид почнал да бега, а Џејсон трчал по него.

„Викав: тато, јас сум Џејсон. На крајот тој успори и успеав да го стигнам и да одам покрај него. Кога ме препозна, тој зјапаше во мене, прашувајќи за моето семејство, обидувајќи се да се сети на мојот датум на раѓање. Во тој момент, тој не сакаше да ме погледне, бидејќи солзите се слеваа во неговите очи. Јас сум потполно ист кога станува збор за такви работи“, рекол Џејсон.

Тој дознал дека неговиот татко живее како бездомник, како и дека во последно време живее со пријател. И покрај тоа што веќе се квалификувал за пензија, таткото на Џејсон никогаш не побарал пари а неговиот син сака да му помогне да застане на нозе.

„Ова е навистина чудо. Кога бегаше, си помислив, ‘тоа беше резултатот од кој најмногу се плашев’. Но, фактот дека го најдов пред Божик беше апсолутно неверојатен. Тоа е она што навистина го сакав и чудо е што се случи“, рекол Џејсон.