Свадбата е прекрасен настан. Тоа е вистинска прослава на љубовта помеѓу двајца луѓе кои ја овековечуваат својата врска и ја прославуваат со своите најблиски. Но, покрај фактот дека е прекрасен настан, свадбите обично се проследени со голем број нервози, хаос и расправии. Човек би помислил дека треба да има најмногу радост, но обично периодот пред свадба е најстресен.

Невестите обично се подложни под повеќе стрес во периодот пред свадбата, па дури и на големиот ден. Повеќето од нив потоа со насмевка се сеќаваат на тој период и обично ги советуваат идните невести да не ги повторуваат нивните грешки.

Ова се нивните совети и искуства за работите за кои највеќе се нервирале или за кои најмногу се каат.

1. Слушање други

Пред свадбата, сите имаат свое мислење за тоа како треба да изгледа вашата свадба и сите мислат дека треба да го прифатите нивното мислење. Заради овие работи, невестите се под голем притисок и често им се создава стрес, бидејќи секој сака да ги убеди во нешто и се случува заради тоа слушање други да прифатат работи кои и не сакаат да ги прават.

2. Премногу гости

Ова е огромен притисок. Кој да се викне, кој да не се викне, кој ќе се налути, кој нема да се налути. На крајот завршувате со огромен список со гости, од кои повеќето можеби и не ги знаете добро, ниту пак се гледате често. Поентата на свадбата е да ја прославите вашата љубов со луѓето кои ви значат, а не луѓе кои сте ги виделе два пати во животот.

3. Трошење пари на украсување

Украсувањето Е важно и никој не го оспорува тоа. Но, дали баш мора да ги набавите најскапите украси кои секако се споредни и никој не гледа од каков материјал се направени? Секако дека треба да биде по ваш вкус, но внимавајте да не се расфрлате премногу на салфетки и украси кои секако играат најспоредна улога во свадбата.

4. Постојано паничење дека нешто ќе тргне наопаку

Зарем навистина се мора да биде совршено? И дали навистина мислите дека баш се може да биде баш како што сте замислиле во глава? Нормално е да се случат непредвидени работи, како на пример дожд или пак да се заборави нешто, но ништо од тоа нема да биде важно кога ќе со вашиот избраник ќе го изиграте првиот танц. Впрочем, потоа ќе заборавите и зошто сте паничеле, па нема ни потреба да претрпувате стрес за нешто што не знаете дека ќе се случи.

5. Не уживате во моментот

Заради постојаното грижење што ќе се случи, паниката и хаосот, повеќето младенци велат дека не ја ни паметат церемонијата и мораат да се потсеќаат преку видео снимките. Наместо да паничите и да се грижите, едноставно уживајте во моментот, затоа што ќе сакате да ја запаметите секоја можна секунда.