Четири возила кои биле паркирани на улица „Елисие Поповски“ во близина на број 17, попладневно се опожарени. Пожарот е пријавен во 18 часот и пет минути во противпожарната единица а интервенирано е со две возила и пет пожарникари.
Станува збор за патничко моторно возило марка „Пежо 308“, „Сеат ибица“, „Форд“ и „Опел астра“. Возилата се надворешно опожарени, а од пожарот е зафатено и едно дрво.
Првичните информациите укажуваат дека возилата најверојатно се опожарени од падната електрична инсталација.
МИА
