Денеска (13 февруари) околу 13 часот и 10 минути, на улица 170″ во тетовска Мала Речица, полициски службеници на СВР Тетово го привеле 37-годишниот Л.К.oд Мала Речица, кој со потерница од КПУ “Идризово” се барал за доиздржување на затворска казна од две и пол години за сторено кривично дело “убиство”.
Приведениот Л.К.ќе биде спроведен во Казнено-поправната установа “Идризово” во Скопје на доиздржување на казната, информира портпаролот на СВР Тетово Марјан Јосифоски.
Осуденикот успеал да избега од затворот по што била распишана потерница за негово наоѓање.