Кривичниот совет на одделението за организиран криминал и корупција, при Кривичниот суд го одби предлогот за условен отпуст на Зоран Милески – Кичеец правосилно осуден на три години затвор за случајот „Рекет“.
– Постапувајќи по предлог на Директорот на КПД Струга – Отворено одделение, за условен отпуст на З.М. правосилно осуден во предметот на овој суд со КОК бр. 131/19 во јавноста познат како „Рекет“, Кривичниот совет на одделението за организиран криминал и корупција, по одржана седница на совет на 12.11.2021, донесе решение со кое предлогот се одбива, соопшти денеска Основен кривичен суд Скопје.
Од Кривичен суд, информираат дека решението во текот на денешниот ден е експедирано до странките во постапката кои имаат право на жалба во рок од осум дена, преку овој суд до Апелацискиот суд Скопје.
Поврзани вести
Шест месеци затвор за Кичеец за сообраќајката кај Стража, во која загина едно лице
Николоски: Има целосна партизација на системот, затоа за некои лица од службите имаат секакви детали, ама за некои кои треба да се во затвор не знаат ништо
