Надворешната канцеларија за криминалистички работи Гостивар поднесе кривична пријава против А.Х.(33) од Дебар, поради постоење основи на сомнение за сторено кривично дело „неовластено производство и пуштање во промет на наркотични дроги, психотропни супстанции и прекурсори“.
На 21.06.2022 на автопатот Тетово-Гостивар, пријавениот продал марихуана на две лица од Гостивар и гостиварско, по што бил фатен и лишен од слобода, а подоцна и спроведен до Основното јавно обвинителство Гостивар каде му била одредена мерка притвор.