Полицијата вчера, во акциска контрола на територијата на цела држава, санкционира 147 мотоциклисти. Од нив, како што соопшти МВР, 96 не носеле заштитна кацига, а 29 возеле без дозвола.
Одземени се и пет мотоцикли поради истечена сообраќајна дозвола и предизвикување голема бучава, но санкции се изречени и за други прекршоци.
-Засилените акциски контроли продолжуваат и во наредните денови. Сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта, апелира МВР.