Тетово 9 декември 2021 (МИА) – Полицајци вчера во Тетово лишиле од слобода тројца мажи кои немале соодветни сертификати за примена вакцина. Едниот од нив имал сертификат на име на друго лице, додека двајца прикажале сертификати на мобилен телефон чија адекватност ќе се вештачи.
-Полициски службеници на СВР Тетово вчеравечер (8 декември) околу 21 часот и 30 минути, во казино на улица „Иво Лола Рибар“ во Тетово ги лишиле од слобода Е.Х.(32) и Е.Ш.(29) од гостиварски Добридол и И.К.(46) од Тетово, поради сомнение за „употреба на исправа со невистинита содржина“.Двајца од нив немале сертификати за примена вакцина, а еден употребил сертификат од друго лице од Добридол, информира Марјан Јосифоски, портпарол на СВР Тетово.
По целосно документирање на случајот на тројцата ќе им бидат изготвени соодветни поднесоци.
Поврзани вести
Уапсена малолетничка од Мала Речица, полицијата при нејзин претрес и потоа во нејзиниот дом пронашла дрога
АСОМ со писмо до пратениците: Заштитете го сопствениот народ, не работете во корист на скриени владини интереси
