Луна Џогани си ја отвори душата за растењето, за разводот на нејзините родители, за пороците на нејзиниот татко, но и за врската со оженетиот Слоба, поради кој беше „распната на крст“.

Во својата голема животна исповед, Луна Џогани призна дека не и било лесно да расте како дете на познати родители, кои подоцна самите и создале трауми, бидејќи се расправале, се карале и на крајот се развеле. Тешко го поднесувала и фактот дека нејзиниот татко Гаги Џогани некогаш се препуштал на пороците.

– Уживав да сум опкружена со моите браќа и сестри, но моите ми недостигаа за Нова Година, Велигден… Се случуваше да не ги видам еден месец, бидејќи беа на турнеи низ светот. Кога ќе се вратеја, секогаш ме опсипуваа со подароци. Еднаш ми ја исполнија најголемата желба и ми купија малтезер. Тогаш се им беше простено, вели Луна која од Земун се преселила во Раковица и таму одела во градинка, а основно училиште завршила со одлични резултати.

– Цел живот сакам да бидам во центарот на вниманието. Бев задолжена за се – кога требаше да се глуми, да сетанцува… Отсекогаш сакав да танцувам со Руслана, Бритни Спирс… Децата знаат да бидат сурови, па имаше такви што не ме сакаа, бидејќи јас сум дете на познати родители. Ме нарекуваа „ќелава“ и постојано ме удираа по чело. Кога ќе поминеше некој, ме удираа, а потоа сите се смееја. И до ден денешен незнам што им пречеше челото, големо беше ама убаво ми е. Велат дека луѓето со високо чело се интелигентни. Ме понижуваа и се обидуваа да ми ја разнишаат новоизградената самодоверба.Ми пречеше, па им се пожалив на моите родители, кои често одеа на училиште поради тоа.

– Тешко ми беше што наставниците не ме сакаа, бидејќи сум ќерка на Анабела и Гаги. Наместо да ме поучуваат, тие ме понижуваа пред другите деца. Еднаш на час по математика реков дека не можам да го научам материјалот а учителката ми врати: „Секако, ни јас не би можела да учам ако мајка ми беше во реално шоу“. Плачев затоа што се чувствував лошо поради нивните зборови. Сите беа свесни за мојот живот. Знаеја што се случува во нашата куќа, кој кого удира, кој се скарал и зошто, рече таа, а се осврна и на односот на нејзините родители.

– Мама и тато често се караа. Се обидуваа да ја поштедат мојата помлада сестра Нина и мене од непријатни ситуации, но тоа не беше секогаш можно. Беше тешко да се сокријат гневот и бесот, бидејќи нивните проблеми беа сериозни – измама, дрога, насилство. Иако сега ги разбирам, не ги оправдувам, бидејќи тоа ме остави трауматизирано. Секогаш кога ќе се тепаа, одев во соба и пуштав музика. Но џабе знаев дека нешто се случува зад затворени врати, ми беше тешко, само чекав некој да влезе во собата и да каже: „Во ред е, готово. Можеш да излезеш.“ Се случувало да застанам на страната на татко ми, ако е во право.

Нејзините родители се развеле кога таа имала 13 години и таа признава дека и денес и е тешко.

– Кога татко ми се исели од дома, од една страна ми беше полесно, бидејќи немаше расправии и негативна енергија што ме исцрпуваше. Имаше денови кога не сакав да влезам дома поради тензијата што царуваше.Од друга страна, остатокот е голема празнина и болка што го нема. вели Луна, која зборуваше и за пороците на Гаги.

– Додека се дрогираше, се обидов да разговарам со него, да го тргнам. За мене беше страшно да го гледам додека беше под дејство на дрога. Тој тогаш не беше истиот човек, не беше мојот татко. Никогаш не крена рака на мене и сестра ми, но беше бесчувствителен. Понекогаш не ни се јавуваше со денови. Сакаше да се спротивстави, но општеството, сиромаштијата и проблемите го повлекоа назад. Работев на тоа да престане да се дрогира.Горда сум што успеа!Тоа е за пофалба бидејќи многумина не успеаја да се оттргнат од дрогата, туку завршија мртви.Со години се плашев дека ќе заврши така , дека ќе му откаже срцето.Ноќе легнувам и размислувам: „Само да не се предозира“. Долго време се плашев од тоа.И денес, кога татко ми не му е денот, кога паѓа во депресија, му велам да дојде кај мене, да не биде сам… Колку повеќе стареам, толку повеќе се грижам за моите родители.Имам потреба да се грижам за нив и да правам се за да не им недостига ништо.

Таа и самата учествуваше во реалното шоу „3адруга“ иако мразеше реални шоуа бидејќи нејзините родители учествуваа во нив. Ја прифатила поканата, но немала поим дека животот ќе и се претвори во пекол.

– Јас сум дете на разведени родители, кои меѓу другото се разделија и поради трето лице, па затоа секогаш бев голем противник на тоа. За жал, Слоба не го гледав како оженет, туку начинот на кој се однесуваше – слободно!Затоа не се чувствував дека правам нешто погрешно.Но реалноста ме удри како чекан кога ја видов неговата сопруга Киа Коцкар на вратата од Белата куќа.Тогаш беше доцна.Имав две опции – или да се тргнам од патот или да ја фатам раката на Слоба. Го избрав второто затоа што се плашев да не издржам се сама.Причината за тоа не беше големата љубов, бидејќи имаше повеќе страст меѓу нас, но страв од осаменост. Жалам што не размислував за последиците, пред се заради себе. Никогаш повеќе не би била со зафатен човек!, изјави Луна, која откри и дека и се извинила на Кија на финалето на Задруга 1, а во следната сезона го запознала сегашниот сопруг Марко Миљковиќ со кој е исполнета во секоја смисла, а ја имаат и едногодишната ќерка Миа.