Во овие моменти над Скопје се спрема големо невреме кое го најави и УХМР.
Според нив, попладне ќе биде нестабилно со пороен дожд и грмежи.
Локално процесите ќе бидат во форма на невреме со интензивен пороен дожд, електрични празнења, силен ветер и појава на град.
Во однос на температурите ќе биде активно жолто ниво за опасност од висока температура.
Од УХМР исто така информираат дека во следните денови ќе се задржи претежно сончево и многу топло време. Во попладневните часови ќе има локална нестабилна облачност со пороен дожд и грмежи, особено во јужните делови.
