Центарот за јавно здравје Куманово во последниве 24 часа евидентира петнаесет новозаболени лица од Ковид 19, сите од Куманово, соопштија денеска надлежните од јавната здравствена установа. Оздравени се десет пациенти.
-Имаме еден нов кластер, а останатите новозаболени потекнуваат од веќе познати кластери, изјави директорот на Центарот, д-р Ариф Љатифи.
Денеска, извршени се 57 тестирања од кои 22 по „Мој термин“ и 35 епидемиолошки тестови. Од почетокот на пандемијата, ковид дијагностицирани во Куманово се 1038 пациенти, од кои активни во моментов се 296 случаи.
