Продуктивна средба со Douglas Heye, служел на водечки комуникациски позиции во Претставничкиот дом и Сенатот на Соединетите Американски Држави, како и директор за комуникации на Републиканскиот Национален Комитет, стои во Фејсбук статусот на портпаролката на ВМРО-ДПМНЕ, Марија Митева.

Таа напиша дека заедно со Кирил Пецаков – Градоначалник на Општина Охрид како претставници на ВМРО-ДПМНЕ, ВМРО-ДЕМОКРАТСКА ПАРТИЈА ЗА МАКЕДОНСКО НАЦИОНАЛНО ЕДИНСТВО се учесници на програмата за размена на политички лидери подржана од Амбасадата на САД во Македонија и имплементирана од Американскиот Совет на млади политички лидери (American Council of Young Political Leaders).

– Оваа програма се фокусира на теми што се однесуваат на демократско владеење, креирање политики, изборни и судски системи и активно граѓанство. Програмата промовира одржлива професионална врска и пријателство помеѓу Република Македонија и САД, додава Митева во својата објава.