Премиерот Димитар Ковачевски кој престојува во Брисел денеска треба да се сретне со претседателот на Европскиот совет Шарл Мишел. До оваа средба требаше да дојде вчера попладне но беше одложена поради, според информациите на МИА, семејни причини од страна на претседателот на Европскиот совет. Ковачевски денеска исто така ќе има состанок и со претседателката на Европската Комисија, Урсула Фон Дер Лајен.

Премиерот Ковачевски вчера разговараше со генералниот секретар на НАТО Јенс Столтенберг по што на заедничката прес конференција шефот на НАТО изјави дека Алијансата ја гарантира безбедноста на Северна Македонија и дека го чува македонското небо. Тие изразија загриженост поради тоа што Русија продолжува да го зајакнува своето воено присуство околу Украина.

Русија сега има повеќе од 100.000 војници стационирани во близина на северната и источната граница на Украина, што предизвикува загриженост дека би можела повторно да изврши инвазија како во 2014 година и да ја дестабилизира украинската економија. Руските власти негираат дека се планира инвазија.