Мора да се донесат важни одлуки за Македонија и Албанија да се придвижат заедно кон нивната стратешка цел, целосна интеграција во ЕУ, рече премиерот Димитар Ковачевски на заедничката прес-конференција со албанскиот премиер Еди Рама, за време на неговата официјална посета на Скопје. Ковачевски уште еднаш рече дека личните интереси на лидерите, алудирајќи на лидерот на опозицијата Мицкоски, треба да се остават настрана.
А до полноправното членство, Ковачевски и Рама најавија заеднички план со Европската комисија, дека земјите од Западен Балкан кои се уште не се членки би можеле да имаат поголема корист од Унијата пред членството. На состанокот за ова прашање, Рама најави дека тоа ќе се случи наскоро во Тирана.
„Пријателите од Европската унија, исто така, ќе бидат присутни за да разговараат конкретно за планот. Потребен ни е овој план, потребна ни е оваа поддршка, и ја заслужуваме како земји во средиштето на Европа, за да не нè гледаат само како оние кои треба да ги извршуваат задачите, бидејќи ние задачите треба и ќе ги извршуваме за нас, но и како оние кои придонесуваат. И денес повеќе од кога било, според мое мислење, јасно е дека Европската унија има потреба од нас, онолку колку што и ние имаме потреба од Европската унија “, изјави Еди Рама, премиер на Албанија.
Македонија и Албанија се во скрининг процес, или евалуација од страна на Европската унија за сите поглавја за членство. Овој процес се очекува да заврши на крајот на ноември, а пред да се премине на отворањето на поглавјата, земјата како услов го има усвојувањето на уставните измени, со вклучување на Бугарите во Уставот.
