Нервозата на власта на Заев е очигледна. Вчера со полиција, насилно и брутално се растеруваа учесници на Вевчанскиот карневал, традиција долга илјадници години. Очигледно дека однародената власт на Заев не можеше да поднесе како преку хумор и маски се критикува нивната политика и анационалното владеење,изјави на денешната прес конференција, Наум Стоилковски, портпарол на ВМРО-ДПМНЕ.

– Вчера Заев вчера удри по својот народ. Не држи вода никакво оправдување да тепаш маскирани учесници во карневал, особено не во Вевчанскиот карневал, а да молчиш за фештите кои што ги правеа функционерите на СДСМ во Штип, на забавите среде Скопје во локалите на луѓе блиски до власта, за роденденските прослави во институциите, за десетици други примери на прекршувања и на собири. Окупаторските власти биле Македонија, па ова не го правеле, посочи тој.

– Дека и гори на власта под нозе, и гори, ама ваква бруталност не може да ги покрие сите срамни политики и криминали на Заев и камарилата покрај него. Народот гледа како се подготвува насилен попис надвор од сите европски стандарди, народот гледа какви концесии се подготвуваат да исплати Заев кон Бугарија, народот гледа како се тргува со историјата и идентитетот и срамното прекинување на Вевчанскиот карневал нема да го покрие тоа. Напротив ова уште една капка во преполнетата чаша. Заев за бруталноста во Вевчани ќе сноси одговорност затоа што го прави тоа кое што ниту една турска, бугарска, српска или комунистичка власт не го направила во Вевчани, додаде Стоилковски.